“Yuventus” Kolumbiya millisinin futbolçusunu transfer edib
Bakı, 17 avqust, AZƏRTAC
İtaliyanın “Yuventus” klubu “Bolonya”nın və Kolumbiya millisinin mərkəz müdafiəçisi Con Lukuminin transferini rəsmən açıqlayıb.
AZƏRTAC xəbər verir ki, 28 yaşlı futbolçu Turin təmsilçisi ilə 2030-cu ilədək müqavilə imzalayıb. Məlumata görə, transferin ümumi dəyəri bonuslar nəzərə alınmaqla 20 milyon avro təşkil edir.
Con Lukumi 2022-ci ildən “Bolonya”nın formasını geyinirdi. O, ötən mövsüm İtaliya klubunun heyətində bütün turnirlərdə 43 oyuna çıxıb, 1 qol vurub və 1 məhsuldar ötürmə edib.
Lukumi builki dünya çempionatında Kolumbiya millisinin 5 matçının hamısında tam heyətdə mübarizə aparıb.
Bölmənin digər xəbərləri
