“Sumqayıt” amerikalı basketbolçu ilə müqavilə imzalayıb
Bakı, 28 sentyabr, AZƏRTAC
“Sumqayıt” basketbol klubu heyətinə amerikalı oyunçu cəlb edib.
Klubdan AZƏRTAC-a verilən məlumata görə, “gənclik şəhəri” təmsilçisi 27 yaşlı hücumçu Malek Qrinlə mövsümün sonuna qədər anlaşıb.
O, son olaraq ABŞ-nin “Yanqstoun Steyt” kollektivində çıxış edib. Basketbolçu bu komandada keçirdiyi son mövsümündə orta hesabla 10,1 xal və 5,7 ribaundla yadda qalıb.
Malek Qrin Lüksemburq, Vyetnam, Xorvatiya, İngiltərə və Almaniya çempionatlarında da oynayıb.
Bölmənin digər xəbərləri
