Ben Şelton “Masters” seriyalı turnirdə çıxışını başa vurub
Bakı, 17 avqust, AZƏRTAC
Amerikalı tennisçi Ben Şelton Sinsinnatidə keçirilən “Masters” seriyalı turnirdə mübarizəni dayandırıb.
AZƏRTAC xəbər verir ki, dünya reytinqinin 6-cı pilləsində qərarlaşan 23 yaşlı tennisçi ikinci raundda 79-cu sırada olan portuqaliyalı Jaimə Fariya ilə qarşılaşıb.
Görüş Fariyanın 2:0 hesablı qələbəsi ilə başa çatıb. Portuqaliyalı tennisçi hər iki setdə 6:4 hesabı ilə qalib gəlib. Qarşılaşma 1 saat 50 dəqiqə davam edib.
Qeyd edək ki, Ben Şelton bundan əvvəl Kanadada keçirilən Monreal “Masters” turnirinin qalibi olub.
Bölmənin digər xəbərləri
