Türkiyədə Ani qalasının fəthinin 962-ci ildönümü qeyd olunub
Ankara, 17 avqust, AZƏRTAC
Türkiyənin Qars vilayətində Ani qalasının fəthinin 962-ci ildönümünə həsr olunmuş tədbirlər keçirilib.
AZƏRTAC Türkiyə mediasına istinadla xəbər verir ki, tədbirlər pilotaj qrupunun çıxışı ilə müşayiət olunub.
Tədbirdə Qars valisi Ziya Polat, Qars bələdiyyəsinin sədri Ötüken Senger, hakim Ədalət və İnkişaf Partiyasının nümayəndəsi, Ani ərazisində aparılan arxeoloji işlər qrupunun rəhbəri, dosent Məhəmməd Arslan və digər şəxslər çıxış ediblər.
Onlar Səlcuq sultanı Alparslanın ordusu tərəfindən Aninin fəth edilməsinin tarixi əhəmiyyətini vurğulayıblar.
Qars valisi həmvətənlərini əcdadların şücaət dolu irsinə ehtiram göstərməyə çağırıb.
Ziya Polat xatırladıb ki, 1064-cü il avqustun 16-da Anidə qazanılan qələbə türklər üçün Anadolunun yolunu açan 1071-ci il Malazgird döyüşündə Səlcuqların əldə etdiyi tarixi uğurun müjdəçisi olub.
Bölmənin digər xəbərləri
