Tarix Muzeyinə şəhid polkovnik İlqar Mirzəyevin şəxsi əşyaları təqdim edilib
Bakı, 14 oktyabr, AZƏRTAC
AMEA-nın Milli Azərbaycan Tarixi Muzeyinə şəhid polkovnik İlqar Mirzəyevin şəxsi əşyaları təqdim edilib.
Muzeydən AZƏRTAC-a bildirilib ki, mərhumun təqdim olunan şəxsi əşyaları arasında onun hərbi geyimi, papaq və çəkməsi, hərbi səhra çantası var. Əşyalar muzeyin Etnoqrafiya elmi-fond şöbəsinin elmi işçisi Aygün Quliyevanın vasitəsilə şəhidin ailəsi tərəfindən təqdim olunub.
Qeyd edək ki, İlqar Anzor oğlu Mirzəyev 1973-cü il mayın 8-də Gürcüstanın Qardabani rayonunda doğulub, 1995-ci ildən leytenant rütbəsi ilə hərbi xidmətə başlayıb. O, 2020-ci il iyulun 14-də Azərbaycanın ərazi bütövlüyü uğrunda Tovuz rayonu ərazisində gedən şiddətli döyüşlər zamanı şəhid olub.
Bölmənin digər xəbərləri
