DÜNYA


Ukraynada televiziyalar üçün dil kvotaları barədə qanun qüvvəyə minib

Bakı, 13 oktyabr, AZƏRTAC

Ukrayna televiziyaları üçün dil kvotaları barədə qanun oktyabrın 13-də qüvvəyə minib.

AZƏRTAC TASS informasiya agentliyinə istinadla xəbər verir ki, bundan sonra milli telekanallar verilişlərinin 75 faizini Ukrayna dilində yayımlamalı olacaq.

Ali Rada bu qanunu 2017-ci ilin may ayında qəbul etsə də, həmin il oktyabrın 13-də bir illik keçid dövrü ilə qüvvəyə minmişdi.

Qanuna əsasən, milli telekanallarda Ukrayna dilində yayımlanan verilişlərin və filmlərin sayı hər gün saat 7:00-dan 22:00-dək 75 faiz, regional televiziyalarda isə 60 faiz təşkil etməlidir. Televiziyalar qalan efir vaxtında isə yayımı istənilən dildə apara bilərlər.

1991-ci il avqustun 1-dək çəkilən sovet filmlərini səsləndirməyə və dublyaj etməyə ehtiyac yoxdur, lakin onlar mütləq dövlət dilində subtitrlərlə efirə verilməlidir. Qanunda milli dildə yayımı tənzimləyən digər müddəalar da yer alıb.

Bundan sonra qanunu pozan telekanallar lisenziya yığımı məbləğinin 5 faizi qədər cərimələnəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.