® “BirKart”da nağdlaşma və köçürmələr komissiyasız oldu
“BirKart”ın bəzi şərtlərinə dəyişikliklər tətbiq edilib. “BirKart” debet kartlarında nağdlaşdırma və köçürmə komissiyası 0 faizə endirilib, taksit kartları üzrə güzəşt müddəti isə 40 gündən 60 günədək artırılıb. Hazırda ölkə üzrə taksit kart payının 60 faizi “BirKart”ın üzərinə düşür və yeni şərtlər kartı müştərilər üçün daha sərfəli edəcək.
Artıq “BirKart” debet kartı sahibləri Azərbaycanda sayı 1000-dən çox olan “Kapital Bank” bankomatlarında vəsaiti komissiyasız nağdlaşdıra bilərlər. Üstəlik həmin kartların istifadəçiləri ölkədaxili istənilən bank kartına köçürmə zamanı komissiya haqqı ödəməyəcəklər. Hər iki yenilik ay ərzində həyata keçirilən 4 min AZN məbləğədək olan əməliyyatlara şamil edilir.
Daha bir yenilik isə “BirKart” taksit kartı sahibləri üçün nəzərdə tutulub. Belə ki, “BirKart” taksit kartlarından istifadə edənlər indi 40 günədək deyil, 60 günədək güzəşt müddətindən faydalana biləcəklər.
Qeyd edək ki, “BirKart”ın 4 növü var: “Taksit”, “Cashback”, “Miles” və “Umico”. “BirKart” bir sıra üstünlüklərə malikdir: 18 ayadək faizsiz taksitlə hissə-hissə ödəmək imkanı, birdəfəlik ödənişlərdə 60 günədək güzəşt müddəti, kartı idarə etmək üçün rahat mobil tətbiqi, loyallıq sistemləri və pulsuz SMS məlumatlandırma xidməti. “BirKart”ın ölkə üzrə 10 mindən artıq partnyor şəbəkəsi fəaliyyət göstərir və bu say artmaqdadır.
“BirKart” haqqında ətraflı məlumat üçün “www.birkart.az” saytına, 196 Sorğu Mərkəzinə və ya kartın feysbuk səhifəsinə www.facebook.com/birkart.az müraciət edə bilərsiniz. “BirKart” sifarişi üçün, həmçinin 8196 qısa nömrəsinə SMS və ya (+994 50) 999-81-96 nömrəsinə vatsap vasitəsilə, həmçinin “BirKart” mərkəzlərinə müraciət etmək olar.
Bölmənin digər xəbərləri
