® “FCHAIN” gənclərin inkişafına dəstəyini davam etdirir: Qəbələdə beynəlxalq sessiya
Dünyanın 18 ölkəsində fəaliyyət göstərən “Financial Chain Corporation (FCHAIN)”nın sponsorluğu, Avropa Gənclər Parlamenti Azərbaycan İctimai Birliyi və “Regional İnkişaf” İctimai Birliyinin təşkilatçılığı ilə aprelin 26-27-də Müstəqil Dövlətlər Birliyi (MDB) ölkələrinin “Gənclər paytaxtı” seçilən Qəbələ şəhərində “Qəbələ – 11-ci Əhatələndirmə Sessiyası” keçirilib.
Hər zaman gənclərin inkişafına və sosial layihələrin dəstəklənməsinə önəm verən “FCHAIN”ni tədbirdə şirkətin İctimaiyyətlə əlaqələr rəhbəri Günel Musa təmsil edib. O, çıxışı zamanı “FCHAIN”nin İdarəedici Tərəfdaşı Zaur Qədirovun salamlarını iştirakçılara çatdırıb, şirkətin fəaliyyət istiqamətləri və sosial məsuliyyət strategiyası haqqında ətraflı məlumat verərək qeyd edib: “Biz “Financial Chain Corporation” olaraq gənclərin bilik və bacarıqlarının inkişafına yönəlmiş təşəbbüsləri daim dəstəkləyirik. İnanırıq ki, bu cür sessiyalar gənclərin analitik düşünmə, debat və qərarvermə bacarıqlarını formalaşdırmaqla yanaşı, onların cəmiyyətin aparıcı qüvvəsinə çevrilməsinə təkan verir. Gənclərin səsi eşidilən hər platformada “FCHAIN” olaraq onların yanında olmaqdan qürur duyuruq”.
Günel Musa, həmçinin “FCHAIN”nin biomüxtəlifliyin qorunması, idmanın təşviqi və gənclərin potensialının üzə çıxarılması istiqamətində həyata keçirdiyi layihələrdən söz açaraq, gənclərin cəmiyyətin fəal üzvünə çevrilməsi və ölkənin gələcəyində aparıcı rol oynaması üçün yaradılan imkanları vurğulayıb. O, sessiya iştirakçılarına uğurlar arzulayıb.
Tədbirin rəsmi açılış hissəsində təşkilatçılar tərəfindən göstərdiyi dəstəyə görə “FCHAIN”ə təşəkkürnamə təqdim edilib. Sonra iştirakçılar xatirə şəkli çəkdiriblər.
Qeyd edək ki, “Əhatələndirmə Sessiyası”nın əsas məqsədi gənclərin fəal vətəndaşlıq bacarıqlarının inkişaf etdirilməsi, müxtəlif aktual mövzular ətrafında dərin müzakirələrin aparılması, analitik düşünmə, debat və tənqidi yanaşma qabiliyyətlərinin təkmilləşdirilməsi üçün iştirakçılara unikal imkan yaratmaqdan ibarət olub.
Bölmənin digər xəbərləri
