"Arşın mal alan" Lənkəran Dövlət Dram Teatrının səhnəsində
Lənkəran, 30 aprel, İlkin Adıyev, AZƏRTAC
Üzeyir Hacıbəylinin 140 illik yubileyi münasibətilə Lənkəran Dövlət Dram Teatrında dahi bəstəkarın məşhur "Arşın mal alan" operettası əsasında hazırlanan eyniadlı tamaşanın premyerası keçirilib.
AZƏRTAC-ın bölgə müxbiri xəbər verir ki, premyera Azərbaycan milli musiqisinin və teatr sənətinin inkişafında müstəsna rolu olan Üzeyir Hacıbəylinin zəngin irsinin təbliği məqsədilə təşkil olunub.
Tamaşanın quruluşçu rejissoru Əməkdar mədəniyyət işçisi, Dağıstanın Əməkdar artisti Laləzər Hüseynova, rejissoru Emil Əskərov, quruluşçu rəssamı Fuad Hüseynov, rəssamı Sevanə Həsənlidir.
Rolları Saleh Əzimzadə, Aynur Əhmədova, Səyyad Əliyev, Teymur Hacızadə, Əbulfəz Axundov, Vəfa Hacızadə, Ayşən Əsədova, Mələykə Cəfərova ifa ediblər.
Bölmənin digər xəbərləri
