"Azercell"in "Gənc OL" tarifi yenilənib
Bakı, 18 sentyabr, AZƏRTAC
"Azercell Telekom" abunəçilərinə maraqlı sürpriz hazırlayıb
Şirkətdən AZƏRTAC-a bildirilib ki, yenilənmiş "Gənc OL" tarifini təqdim edən "Azercell" inanılmaz güzəştlər və sərfəli danışıqlar təklif edir. Hər kəs bu tarifə qoşula bilər. Yeni tarif paketinə qoşulmaq üçün SimSim abunəçiləri G5 və ya G8 açar sözünü 7575-ə göndərməlidirlər. Ayda 5 manat ödəyib "GəncOL5" tarif paketinə qoşulmaqla hər ay 2 geqabayt (GB) internet, 200 dəqiqə, 200 SMS-dən yararlanmaq imkanı qazanır. Bu paketin daha bir üstünlüyü ondan ibarətdir ki, aylıq paketdəki danışıq bitəndən sonra abunəçilər öz aralarında cəmi 2 qəpiyə, digər abunəçilərlə ölkədaxili 5 qəpiyə danışacaqlar.
"Gənc OL 8" paketi də sərfəli danışıq təklif edir. Belə ki, bu tarifdə abunəçilər öz aralarında 4 GB mobil internet, 400 dəqiqə tarifdaxili və 400 SMS-dən istifadə etmək imkanı qazanır.
Bu endirimli və sərfəli tarif paketinə qoşulmaqla hər kəs, eyni zamanda əyləncəli və maraqlı "Gənc OL" portalından www.gencol.az yararlana bilər. Portala daxil olmaqla "Genc OL" tarif paketinin təklif etdiyi xüsusi endirim və kampaniyalardan faydalanmaq olar.
Qeyd edək ki, "Azercell" abunəçiləri "Genc OL" portalına mobil telefon üzərindən pulsuz daxil ola biləcəklər. Tarif paketinə qoşulan abunəçilər "ParkCinema" və "28 Cinema" kinoteatrlarında həftənin 5 iş günü saat 09:00-dan 18:00-dək bir bilet almaqla ikincini pulsuz əldə edəcəklər. Bundan əlavə, "Sabina" mağazalar şəbəkəsi, "Papa John’s", "Sultan Ahmet" restoranları, "Baku Carting", "Astral Labirint" əyləncə mərkəzləri, Kaspi Təhsil Mərkəzi və "Uber Taxi" xidmətlərinə sərfəli endirim əldə edəcəklər. Dekabrın 17-dək davam edəcək tarif paketlərinin istifadə müddəti 3 aydır.
Bölmənin digər xəbərləri
