"Sabah" klubu "Qəbələ"ni məğlub edərək vahid lider olub
Bakı, 28 avqust, AZƏRTAC
Futbol üzrə Misli Premyer Liqasının IV turuna yekun vurulub.
AZƏRTAC xəbər verir ki, turun son matçında "Qəbələ" "Sabah"ı qəbul edib. Qəbələ şəhər stadionunda keçirilən qarşılaşma qonaqların 2:0 hesablı qələbəsi ilə başa çatıb.
Matçda qolları Davit Volkov və (48) və Coy Lens Mikels (64) vurublar.
Bu nəticədən sonra xallarını 12-yə çatdıran "Sabah" vahid lider olub. "Qəbələ" isə 9 xalla 3-cü pillədə qərarlaşıb.
Qeyd edək ki, turun ilk 3 oyununda "Neftçi" "Zirə"ni 2:1, "Səbail" "Kəpəz"i 4:1, "Qarabağ" "Şamaxı"nı 4:0 hesabı ilə məğlub edib. "Sumqayıt" - "Turan Tovuz" matçı isə qolsuz heç-heçə ilə yekunlaşıb.
Bölmənin digər xəbərləri
