ABŞ-DA 20-DƏN ÇOX HAVA LİMANI TƏHLÜKƏSİZLİK YOXLAMASINDAN KEÇMƏMİŞDİR
Milli Təhlükəsizlik Komitəsinin üzvü Benni Tompson xüsusi bəyanatda bildirmişdir: “Bomba hazırlamaq üçün yararlı materiallar gəzdirən agentlərin ölkənin 21 hava limanında təhlükəsizlik xidmətinin nəzarətindən keçə bilməsi faktı qorxuludur. Bu, Troya atı haqqında əsatirə bənzəyir. Təhlükəsizlik xidmətində adamlara ayaqqabı və kəmərləri çıxarmağı əmr etməyə o qədər vaxt sərf etmişlər ki, bomba üçün materialları gözdən qaçırmışlar”.
Yoxlamalar Amerika Konqresinin Nümayəndələr palatasının üzvü Con Mikin xahişi ilə ötən il keçirilmişdir. Mik yoxlamaların nəticələrindən məyus olduğunu bildirmişdir. Nümayəndələr palatasının və Milli Təhlükəsizlik Komitəsinin üzvü Edvard Marki əmindir ki, yoxlamaların nəticələri hökumətin ölkənin mühüm müəssisələrinin mühafizəsi üçün gördüyü tədbirlərin səmərəsizliyini sübut edir.
Hava limanlarının yoxlanılması haqqında informasiya məxfi sayılır, lakin bu barədə məlumat bəzi KİV-lərə sızmışdır.
Bölmənin digər xəbərləri
