ABŞ-da hər yeni sənaye robotu 3 insanı işindən məhrum edir
Bakı, 10 iyun, AZƏRTAC
ABŞ-da hər yeni sənaye robotu 3 insanı işindən məhrum edir.
AZƏRTAC xarici KİV-lərə istinadən xəbər verir ki, Massaçusets Texnologiya Universitetinin professoru, iqtisadçı David Asemoqlu və Boston Universitetindən Paskual Restrepo robot texnikasının əmək bazarına təsirini qiymətləndiriblər. Məlum olub ki, 1990-cı ildən 2007-ci ilədək ABŞ-da hər bir yeni robotun yaradılması ilə əhalinin sayı üzrə məşğulluq nisbəti orta hesabla 0,2 faiz azalıb. Beləliklə, hər yeni robot təxminən 3,3 işçini əvəz edib. Həmin dövrdə robotların yayılmasına görə işçilərin maaşları təxminən 0,4 faiz azalıb. Bu təsir region və sahədən asılı olaraq dəyişir. Lakin robotların tətbiqi başqa sahələr və regionlar üçün müsbət nəticələr (qiymətlərin azalması nəticəsində) də doğurur.
İstehsalın robotlaşdırılması gəlir bərabərsizliyini artıra bilər, çünki robotlar əsasən aşağı və orta ixtisaslı işçiləri əvəz edirlər. Robotlarla rəqabət səbəbindən onların maaşı azalır.
Bölmənin digər xəbərləri
