ABŞ-da prezident seçkiləri: Bayden Trampı 50 seçkiçi səsi ilə üstələyir
Vaşinqton, 5 noyabr, AZƏRTAC
ABŞ-da keçirilən prezident seçkilərində Cozef Bayden Ağ evin hazırkı rəhbəri Donald Trampı 50 seçkiçi səsi ilə üstələyir.
AZƏRTAC xəbər verir ki, “Fox News” telekanalının son məlumatına görə, Bayden 264, Tramp isə 214 səsə malikdir.
Əgər Corciya ştatında respublikaçılar uduzarsa, Donald Trampın seçki qərargahı səslərin yenidən sayılmasını tələb edəcək. Həmin ştatda bülletenlərin 98 faizi hesablanıb. Tramp seçicilərin 49,7 faizinin, Bayden 49,1 faizinin səsini toplayıb. Respublikaçılar burada əvvəlcə daha çox üstünlüyə malik idi.
Corciya ştatında qalibiyyət namizədin prezident seçilməsi üçün zəruri olan 270 seçkiçi səsindən 16-nı qazandıracaq.
AZƏRTAC-ın Vaşinqton bürosu
Bölmənin digər xəbərləri
