ABŞ DOLLARI ƏNƏNƏVİ YAŞIL RƏNGİNİ İTİRƏCƏK
ABŞ dolları tezliklə ənənəvi yaşıl rəngini itirəcək və göy qurşağının bütün rənglərini özündə əks etdirəcəkdir. Amerika valyutasının rəng qammasının dəyişəcəyi barədə Vaşinqton artıq Avropa Birliyinə məlumat vermişdir.
Yeni dollarlar, o cümlədən qırmızı, yaşıl və mavi rəngli dollarlar gələn ilin ortalarından tədavülə buraxılacaqdır. Eyni zamanda, Amerika valyutasının çap olunduğu kağız da dəyişiləcəkdir. Bu tədbir müasir kompüter və surətçıxarma texnikası istifadə olunmaqla tez-tez saxtalaşdırılan dolların müdafiə dərəcəsini artırmaq üçün edilir.
İTAR-TASS xəbər verir ki, Avropa Birliyindən daxil olmuş məlumata görə, yeni dollar əskinasları 7 müxtəlif rəngdə olacaqdır. Bu isə onların hər birinin dəyərini rənginə görə asanlıqla müəyyənləşdirməyə imkan verəcəkdir.
Bölmənin digər xəbərləri
