DÜNYA
ABŞ FƏLƏSTİNƏ YARDIMI ARTIRMAQ NİYYƏTİNDƏDİR
Dövlət katibi İndoneziya jurnalistinin sualına cavabında demişdir ki, Vaşinqton maliyyə yardımını Fələstin Milli Muxtariyyətindən (FMM) asılı olmayan xeyriyyə fondlarına xüsusi qrantlarla əvəz etmək niyyətindədir. İsrail ilə sülh bağlanması əleyhinə çıxan HƏMAS-ın mövqeyinə baxmayaraq, bu siyasət davam etdiriləcəkdir.
K.Rays ümidvar olduğunu bildirmişdir ki, İndoneziya FMM hökumətini dincliklə nizamasalmaya dair “yol xəritəsi” planına bundan sonra da riayət etməyin vacibliyinə inandırmağa çalışacaqdır.
ABŞ dövlət katibi vurğulamışdır ki, qarşıya çıxan çətinliklərə baxmayaraq, onun ölkəsi Yaxın Şərqdə demokratiyanı davamlı surətdə inkişaf etdirəcəkdir. İraq probleminə toxunan xanım Rays demişdir: “Mən İraqda davam edən zorakılığı televiziya ilə izləyən adamların ölkənin gələcəyi üçün narahatlıq keçirmələrinin səbəbini anlayıram. Lakin mənə inanın ki, İraqın gələcəyi, keçmişindən daha parlaq olacaqdır”.
Dövlət katibi İndoneziyaya qarşıdakı səfərinə toxunaraq demişdir: “İndoneziya adamların öz etirazını və rəyini bildirmək hüququ olan bir ölkədir”.