ABŞ NASİST NƏZARƏTÇİSİNİ DEPORTASİYA EDİR

29.12.2005 [19:33]
Çap et
A⁺ A^-

AZƏRTAC Si-En-En telekanalına istinadla xəbər verir ki, ABŞ məhkəməsinin qərarı ilə avtomobil sənayesinin keçmiş işçisi Con Demyanyuk ölkədən deportasiya ediləcəkdir. Məlum olmuşdur ki, əslən ukraynalı C.Demyanyuk vaxtilə faşist düşərgəsində nəzarətçi işləmişdir.

Düşərgədə Demyanyuka xüsusi qəddarlığına görə İvan Qroznı ləqəbi verilibmiş. Hakimin sözlərinə görə, onun vətənində edam ediləcəyini sübuta yetirən heç bir fakt yoxdur. Ukrayna dövləti keçmiş vətəndaşını qəbul etməkdən imtina edərsə, ABŞ onu Almaniyaya, yaxud Polşaya köçürə bilər. 85 yaşlı Demyanyuk 2002-ci ildə, onun qətllərdə əli olması sübuta yetirildikdən sonra ABŞ vətəndaşlığını itirmişdir.

Demyanyuk 1977-ci ildə həmin ittihamla İsrailə deportasiya edilmişdi. İsrail məhkəməsi ona ölüm cəzası kəsmişdi. Lakin sonra İvan Qroznı ləqəbli nasistin məhz Demyanyuk olmadığı faktı aşkara çıxarılmışdı. O zaman C.Demyanyuk ABŞ-a qayıtmış və vətəndaşlığını bərpa etmişdi.

ABŞ NASİST NƏZARƏTÇİSİNİ DEPORTASİYA EDİR

MÜƏLLİFLƏ ƏLAQƏ

Bölmənin digər xəbərləri