ABŞ prezidentinin baş müşaviri Kellienn Konuey Ağ evi tərk edir
Bakı, 24 avqust, AZƏRTAC
ABŞ Prezidentinin baş müşaviri Kellienn Konuey cari ayın sonlarında öz postunu tərk edəcək.
AZƏRTAC “The Washington Post” qəzetinə istinadla xəbər verir ki, Kellienn Konuey öz qərarını ailə vəziyyəti ilə - uşaqlarına çox vaxt ayırmaq istəyi ilə izah edib.
Qeyd edək ki, Donald Trampın prezidentlik müddətinin əvvəlindən Ağ evdə vəzifə tutan Kellienn Konuey ABŞ dövlət başçısının komandasında ən çox qalan müşavirlərdən biridir. Siyasətçi, həm də Birləşmiş Ştatlar liderinin ən etibarlı tərəfdarlarından biri sayılır.
Bölmənin digər xəbərləri
