Abşeron Regional Elektrik Şəbəkəsi Müəssisəsində yenidənqurma işləri aparılır
Bakı, 24 iyun (AZƏRTAC). Abşeron Regional Elektrik Şəbəkəsi (REŞ) Müəssisəsi (REŞ) üzrə yenidənqurma işləri görülür.
“Azərenerji” ASC-dən AZƏRTAC-a bildirmişlər ki, müəssisənin “Abşeron”, “Müşviq”, “Səngəçal”, “Binəqədi”, “Hövsan” “Zabrat” yarımstansiyalarında təmir-bərpa işləri həyata keçirilmişdir. Bu enerji obyektlərində müxtəlif gərginlikli bölmələr arasında əlaqələndirici kabellər yeniləri ilə əvəzlənmiş, eleqaz, gərginlik və cərəyan transformatorları dəyişdirilmiş və digər müxtəlif təyinatlı təmir işləri uğurla yerinə yetirilmişdir.
Hazırda “Böyükşor” və “Zabrat” yarımstansiyalarının tikintisi davam etdirilir.
Bölmənin digər xəbərləri
