Abşeron Regional Elektrik Şəbəkəsi Müəssisəsinin enerji obyektlərində təmir-tikinti işləri aparılır
Bakı, 12 noyabr (AZƏRTAC). Abşeron Regional Elektrik Şəbəkəsi (REŞ) Müəssisəsinin balansına aid enerji obyektlərində son aylarda bir sıra tədbirlər həyata keçirilmişdir .
“Azərenerji” ASC-dən AZƏRTAC-a bildirmişlər ki, müəssisə üzrə 220 kilovoltluq (kV) “Nizami”, 110 kV-lik “Ramana” və 220 kV-lik “Hövsan” yarımstansiyasında transformator, yağ açarları, cərəyan və gərginlik transformatoru təmir edilmişdir. Hazırda yarımstansiyanın ərazisində tikinti işləri davam etdirilir.
110 kV-lik “Zığ”, “8-ci kilometr”, “Əhmədli”, “Maştağa”, “Zabrat” və digər yarımstansiyalarda da oxşar təmir işləri aparılmış, qış mövsümünə hazırlıq görülmüşdür.
Müəssisənin xidməti ərazisində olan yüksəkgərginlikli hava elektrik verilməsi xətlərində də müxtəlif təyinatlı təmir işləri yerinə yetirilmiş, o cümlədən 12 xətt armaturu və 530 izolyator yeniləri ilə əvəz edilmişdir.
Bölmənin digər xəbərləri
