ADAM ERELİ: BİZ DAĞLIQ QARABAĞI MÜSTƏQİL DÖVLƏT KİMİ TANIMIRIQ
Birləşmiş Ştatlar hesab edir ki, Dağlıq Qarabağda yerli özünüidarə orqanlarına keçirilən seçkilər Ermənistan-Azərbaycan münaqişəsinin dincliklə nizama salınmasına təsir göstərməyəcəkdir. AZƏRTAC xəbər verir ki, bunu ABŞ Dövlət Departamentinin rəsmi nümayəndəsi Adam Ereli bazar ertəsi jurnalistlərlə görüşündə bəyan etmişdir.
A.Ereli demişdir: “Biz Dağlıq Qarabağı müstəqil dövlət kimi tanımırıq. Onun gələcək statusu ATƏT-in Minsk qrupunun vasitəçiliyi ilə aparılan danışıqlardan asılıdır. ABŞ Azərbaycanın ərazi bütövlüyünü dəstəkləyir və hesab edir ki, bu seçkilər dincliklə nizamasalma prosesinə təsir göstərməyəcəkdir”.
Bölmənin digər xəbərləri
