AFFA-DA MƏŞQÇİLƏR ŞURASININ İCLASI KEÇİRİLMİŞDİR
AZƏRTAC xəbər verir ki, mayın 15-də AFFA-da Məşqçilər Şurasının iclası keçirilmişdir.
Yığma komandanın baş məşqçisi Şahin Diniyevin rəhbərliyi ilə keçən tədbirdə AFFA prezidenti Ramiz Mirzəyev, qurumun baş katibi Fuad Əsədov, millinin seleksiyaçı məşqçisi Nazim Süleymanov, “Xəzər- Lənkəran”, “Qarabağ”, “İnter” klublarının baş məşqçiləri və “Gənclərbirliyi” klubunun vitse-prezidenti Vaqif Sadıxov iştirak etmişlər.
Ş. Diniyev yığmanın ötən ay Finlandiya komandası ilə oyunu barədə fikirlərini bildirmişdir. Daha sonra milli komandanın Polşa və Qazaxıstan yığmalarına qarşı keçirəcəyi görüşlər barədə fikir mübadiləsi aparılmışdır.
Məşqçilər Şurasının növbəti iclası mayın 26-da keçiriləcəkdir.
Bölmənin digər xəbərləri
