AFFA-nın təşkilatçılığı ilə “Zəfər” turniri keçiriləcək
Bakı, 9 fevral, AZƏRTAC
AFFA-nın təşkilatçılığı ilə fevralın 10-11-də AFFA, Peşəkar Futbol Liqası və Premyer Liqa klublarının əməkdaşlarının iştirakı ilə “Zəfər” turniri keçiriləcək.
AZƏRTAC xəbər verir ki, ölkəmizin şanlı qələbəsi ilə yekunlaşmış 44 günlük Vətən müharibəsinə həsr olunmuş turnirin oyunları Bakı Olimpiya Stadionunun süni örtüklü futbol meydançalarında təşkil olunacaq.
Fevralın 9-da AFFA-nın inzibati binasında yarışın püşkatma mərasimi keçirilib. Turnirin açılış oyununda AFFA və “Sabah” komandaları qarşılaşacaq.
Turnirdə 10 komanda birincilik uğrunda mübarizə aparacaq.
Bölmənin digər xəbərləri
