AFFA rəsmisi UEFA-dan yeni təyinat alıb
Bakı, 20 oktyabr, AZƏRTAC
AFFA-nın Uşaq və Gənclər üzrə Yarışların Təşkili Şöbəsinin baş mütəxəssisi Zümrüd Ağayeva UEFA-dan yeni təyinat alıb.
AZƏRTAC milli assosiasiyanın rəsmi saytına istinadən xəbər verir ki, o, 19 yaşadək qadın futbolçulardan ibarət komandalar arasında təşkil olunan Avropa çempionatının ilkin seçmə mərhələsinin B qrupunun oyunlarında UEFA nümayəndəsi olacaq.
Bu qrupda Bosniya və Herseqovina, Lixtenşteyn, Estoniya və Cəbəllütariq milli komandaları mübarizə aparacaqlar. Oyunlar oktyabrın 24-dən 30-dək Bosniya və Herseqovinada təşkil olunacaq.
Bölmənin digər xəbərləri
