AFFA “Sabah” klubunun şikayətini qismən təmin edib
Bakı, 20 oktyabr, AZƏRTAC
Apellyasiya Arbitraj Tribunalı “Sabah” klubunun müraciətinə baxıb.
AZƏRTAC AFFA-nın rəsmi saytına istinadən xəbər verir ki, paytaxt təmsilçisinin futbolçusu Tuncay Cəfərli ilə bağlı şikayəti qismən təmin edilib.
Gənclər Liqasında keçirilmiş “Sabah” - “Araz-Naxçıvan” qarşılaşmasının 72-ci dəqiqəsində topsuz rəqibi vurduğu üçün qırmızı vərəqə ilə meydandan kənarlaşdırılan yarımmüdafiəçinin 4 oyunluq cəzalandırılması ilə bağlı qərar ləğv edilib.
Oyunçunun həmin davranışı İntizam Məcəlləsi ilə müəyyən edilmiş “ciddi qayda pozuntusu” kimi qiymətləndirilib və oyun zamanı birbaşa qırmızı vərəqə görməsi nəzərə alınmaqla matçlardan 2 oyun kənarlaşdırılıb.
Apellyasiya şikayəti qalan hissədə təmin edilməyib.
Bölmənin digər xəbərləri
