Afinada minlərlə insan 13 saatlıq iş gününə etiraz edir
Afina, 15 oktyabr, AZƏRTAC
Afinada minlərlə insan 13 saatlıq iş gününün tətbiqinə etiraz etmək üçün yenidən küçələrə çıxıb.
AZƏRTAC xəbər verir ki, aksiya Afina Universitetinin rektorluğu qarşısında və Sintagma meydanında keçirilib. Etirazçılar yeni qanun layihəsinin geri götürülməsini tələb edib, plakatlarda “13 saatlıq iş gününə yox!”, “Həftədə 5 gün, gündə 7 saat”, “Əməkhaqları artılsın!”, “Əmək hüquqları qorunsun!” kimi şüarlar səsləndiriblər.
Jurnalistlər də aksiyaya qoşulub. Yerli televiziya və xəbər agentlikləri proqramlarını qismən dayandırıb. Etirazçıların əsas tələbi hökumətin qanun layihəsini ləğv etmək, etibarlı əmək müqavilələrinin tətbiqi, əməkhaqlarının artırılması və sosial təminatların qorunmasıdır.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
