Ağcabədidə çətənə bitkisi yetişdirən şəxs saxlanılıb
Bakı, 25 avqust, AZƏRTAC
Ağcabədi Rayon Polis Şöbəsinin əməkdaşları kultivasiya yolu ilə yetişdirilən narkotik tərkibli bitkilərin aşkarlanması və bu qanunsuz fəaliyyətlə məşğul olan şəxslərin məsuliyyətə cəlb edilmələri istiqamətində “Xaş-Xaş 2020” kompleks tədbirlər planına uyğun olaraq tədbirlər həyata keçirirlər.
Daxili İşlər Nazirliyinin mətbuat xidmətinin Bərdə regional qrupundan AZƏRTAC-a verilən məlumata görə, çətənə bitkisi yetişdirməkdə şübhəli bilinən Şərəfxanlı kənd sakini Elmin Mirzai Ağcabədi Rayon Polis Şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində saxlanılıb. E.Mirzainin yaşadığı ünvana baxış keçirilib və evinin həyətindən aqrotexniki qaydada qulluq edərək yetişdirdiyi, ümumi çəkisi 16 kiloqramdan artıq olan 14 çətənə kolu aşkarlanaraq götürülüb.
Faktla bağlı Ağcabədi Rayon Polis Şöbəsində araşdırmalar davam etdirilir.
Bölmənin digər xəbərləri
