Ağdaş rayonunda həyat yoldaşını bıçaqlayaraq öldürməkdə şübhəli bilinən şəxs tutularaq istintaqa cəlb edilib
Bakı, 20 iyul, AZƏRTAC
İyulun 19-da saat 21 radələrində Ağdaş rayonunun Nehrəxəlil kəndi ərazisində 1995-ci il təvəllüdlü Nuranə Səttarovanın öldürülməsi barədə məlumat daxil olub.
Ağdaş Rayon Prokurorluğunun AZƏRTAC-a daxil olan məlumatında bildirilir ki, prokurorluq əməkdaşları tərəfindən məhkəmə-tibb ekspertinin iştirakı ilə dərhal hadisə yerinə və meyitə baxış keçirilib, digər prosessual hərəkətlər yerinə yetirilib.
Faktla bağlı Ağdaş Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.
İstintaqla 1988-ci il təvəllüdlü Tural Səttarovun ailə münaqişəsi zəminində aralarında yaranmış mübahisə zamanı həyat yoldaşı Nuranə Səttarovaya bıçaq zərbələri vurub onu qəsdən öldürməsinə əsaslı şübhələr müəyyənləşdirilib.
Tural Səttarov şübhəli şəxs qismində tutularaq istintaqa cəlb olunub.
Hazırda iş üzrə zəruri istintaq tədbirləri həyata keçirilir.
Bölmənin digər xəbərləri
