Ağdaş və Şabran sakinlərindən müvafiq sənədləri olmayan tüfəng aşkarlanaraq götürülüb
Bakı, 27 fevral, AZƏRTAC
Polis əməkdaşları əllərdə qanunsuz saxlanılan silah-sursatın aşkarlanaraq götürülməsi məqsədilə növbəti əməliyyat tədbiri keçiriblər.
Daxili İşlər Nazirliyinin mətbuat xidmətindən AZƏRTAC-a bildiriblər ki, Ağdaş Rayon Polis Şöbəsi əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində Qəribli kənd sakini A.Hüseynovdan müvafiq sənədləri olmayan “TOZ-16” markalı tüfəng aşkarlanaraq götürülüb.
Şabran Rayon Polis Şöbəsi əməkdaşlarının əldə edilmiş məlumat əsasında keçirdikləri əməliyyat-axtarış tədbirləri ilə Rəhimli kənd sakini V.Musayevdən müvafiq sənədləri olmayan “İJ-16” markalı tüfəng aşkarlanıb.
Hər iki faktla bağlı araşdırmalar davam edir.
Bölmənin digər xəbərləri
