Ağdaşda 400 kiloqramdan çox narkotik tərkibli bitki məhv edilib
Bakı, 7 iyun AZƏRTAC
Ağdaş Rayon Polis Şöbəsinin əməkdaşlarının keçirdikləri “Xaş-xaş-2023” şərti adlı kompleks əməliyyat-axtarış və profilaktik tədbirlər nəticəsində rayon ərazisində yabanı halda bitən narkotik tərkibli bitkilər aşkarlanıb.
Bu barədə AZƏRTAC-a Daxili İşlər Nazirliyinin mətbuat xidmətinin Şəki regional qrupundan məlumat verilib.
Bildirilib ki, tədbir zamanı Pirəzə kəndi ərazisində yabanı halda bitmiş, ümumi çəkisi 400 kiloqramdan çox olan 502 çətənə kolu kökündən çıxarılıb və yandırılaraq məhv edilib.
Bölmənin digər xəbərləri
