AGERPRES kibertəhlükəsizlik sahəsində Azərbaycan-Rumıniya əməkdaşlığı barədə məqalə yayımlayıb
Buxarest, 26 sentyabr, AZƏRTAC
Rumıniyanın milli xəbər agentliyi AGERPRES Azərbaycan Respublikası Xüsusi Rabitə və İnformasiya Təhlükəsizliyi Dövlət Xidməti (XRİTDX), İnkişaf və Diplomatiya İnstitutu və Rumıniyanın İnformatika üzrə Milli Tədqiqat və İnkişaf İnstitutu (“ICI Buxarest”) arasında Anlaşma Memorandumu imzalanmasından bəhs edən material yayımlayıb.
AZƏRTAC-ın məlumatına görə, məqalədə bildirilib ki, Memoranduma əsasən, kiberdiplomatiya sahəsində tədqiqat, təhsil və bacarıqların artırılmasını təşviq etmək üçün Azərbaycanda “Kiberdiplomatiya üzrə Tvininq Mərkəzi” fəaliyyətə başlayacaq. Qeyd olunub ki, Mərkəz həm də tədqiqat və təhsil təşəbbüsləri ilə kiberdiplomatiya, informasiya təhlükəsizliyi və rəqəmsal idarəetmə sahəsində beynəlxalq əməkdaşlıq və qarşılıqlı əlaqəni genişləndirəcək.
Xatırladaq ki, sözügedən Memorandum sentyabrın 25-də Bakıda imzalanıb.
İqbal Hacıyev
AZƏRTAC-ın xüsusi müxbiri
Buxarest
Bölmənin digər xəbərləri
