Ağgöl Milli Parkının mühafizə rejimini pozan şəxslər cəzalandırılıb
Bakı, 16 aprel, AZƏRTAC
Ağgöl Milli Parkının Beyləqan rayonu ərazisində gecə saatlarında mühafizə rejimini pozaraq hərəkət edən “QAZ 69” markalı 11-BA-771 dövlət nömrə nişanlı və “Vaz 21011” markalı 10-LC-148 dövlət nömrə nişanlı minik avtomobilləri Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidmətinin əməkdaşları tərəfindən saxlanılıb.
Nazirliyin mətbuat xidmətindən AZƏRTAC-a bildiriblər ki, avtomobillərin yük yerinə keçirilən baxış zamanı balıq ovu üçün istifadə olunan alətlər və ovlanmış çəki balığı aşkarlanıb.
Faktla bağlı Beyləqan rayon sakinləri Fuad Quliyev və Cabbar Cabbarov barəsində akt və protokol tərtib edilib və hər biri 1000 manat məbləğində cərimələnib.
“QAZ 69” markalı minik avtomobilində olan şəxslər isə avtomobili qoyaraq ərazidən uzaqlaşıblar.
Hazırda digər qanun pozucularının müəyyən edilməsi üçün zəruri tədbirlər görülür.
Bölmənin digər xəbərləri
