Ağstafada itkin düşən şəxs axtarılır
Bakı, 27 may, AZƏRTAC
Ağstafa rayonunun Mərcimək kənd sakini, 1998-ci il təvəllüdlü Gülnar Salahova mayın 5-də yaşadığı evdən çıxaraq bir daha geri qayıtmayıb.
Daxili İşlər Nazirliyinin mətbuat xidmətinin Gəncə regional qrupundan AZƏRTAC-a bildiriblər ki, arıq bədən quruluşlu G.Salahovanın gözlərinin rəngi qəhvəyidir və uzun qara saçları var. Evdən çıxarkən üzərində qara rəngli idman paltarı və ağ rəngli idman ayaqqabısı olub.
Şəkildə gördüyünüz şəxsi tanıyanlardan və barəsində məlumatı olanlardan Daxili İşlər Nazirliyinin 102 - Zəng Mərkəzi Xidmətinə, həmçinin 022-22-5-25-52 şəhər və (099) 367-36-69 mobil nömrəsinə zəng vuraraq məlumat vermələri xahiş olunur.
Bölmənin digər xəbərləri
