AHİK GÖRÜŞ KEÇİRMİŞDİR
Azərbaycan Həmkarlar İttifaqları Konfederasiyası (AHİK) Moskva Əmək və Sosial Münasibətlər Akademiyasının Bakı filialında sahə həmkarlar ittifaqları respublika komitələrinin ictimai əsaslarla əməyin mühafizəsi komissiyalarının sədrləri və texniki əmək müfəttişləri ilə görüş keçirmişdir. AZƏRTAC-ın müxbiri xəbər verir ki, konfederasiyanın sədri, Milli Məclisin deputatı Səttar Mehbalıyev əməyin mühafizəsi sahəsində dövlətimizin həyata keçirdiyi siyasətdən, işsizlik və yoxsulluğun doğurduğu problemlərdən, iş yerlərində görülən texniki təhlükəsizlik tədbirlərindən danışmışdır.
Görüşdə “Azərneftyağ” neft emalı zavodunda neftayıranların sosial hüquqlarının qorunması, təhlükəsiz iş şəraitinin yaradılması istiqamətində görülən işlərin müsbət nəticələr verdiyi vurğulanmış, respublikamızın da qoşulduğu Avropa Sosial Xartiyasının müddəalarına əməl etməyin vacibliyi qeyd olunmuşdur.
Bölmənin digər xəbərləri
