AHİK-İN İCRAİYYƏ KOMİTƏSİ STATİSTİK HESABATLARIN YEKUNLARINI MÜZAKİRƏ ETMİŞDİR
AZƏRTAC-ın müxbiri xəbər verir ki, hesabatlarda həmkarlar ittifaqı təşkilatlarının fəaliyyətinin əsas göstəriciləri öz əksini tapmışdır. 2002-ci illə müqayisədə ötən il həmkarlar ittifaqı təşkilatlarının sayı 3,2 faiz artmış, 622 yeni təşkilat yaranmışdır. Bu isə göstərir ki, Azərbaycanda işçilər əmək hüquqlarının həmkarlar ittifaqları tərəfindən müdafiə olunmasına inanırlar.
Ötən il həmkarlar ittifaqlarına 68 646 ərizə və şikayət daxil olmuş, 8364 nəfər isə qurumların rəhbərləri tərəfindən qəbul edilmişdir. Şikayətlərin əksəriyyəti işsizlik, müavinətlərin ödənilməsindəki problemlər, maddi yardım, zərərə görə ödəmələr, qanunsuz işdən azadedilmə halları və digər məsələlər barədədir. Müraciətlərin 91,8 faizi müsbət həllini tapmış, 431 nəfər işə bərpa olunmuşdur.
Çıxış edənlər bildirmişlər ki, AHİK öz əməkçilərinin hüquqlarının təmin olunmasını diqqət mərkəzində saxlayır və ölkə Prezidentinin bu sahədə qarşıya qoyduğu vəzifələrin yerinə yetirilməsi üçün məqsədyönlü tədbirlər görür.
Bölmənin digər xəbərləri
