Ahıska türkləri: Prezident seçkilərində iştirak etmək vətəndaşlıq borcumuzdur
Bursa, 3 aprel, AZƏRTAC
Azərbaycan Respublikasının İstanbuldakı baş konsulu Məsim Hacıyev Türkiyənin Bursa şəhərində işləyən və yaşayan Azərbaycan vətəndaşı olan ahıska türkləri ilə görüşüb.
AZƏRTAC xəbər verir ki, görüşdə baş konsul vətəndaşlarımıza hüquqi xidmət göstərilməsi, eləcə də onların qarşılaşdıqları problemlərin həllinə dair fikir və mülahizələrini bölüşüb.
Görüş çərçivəsində 11 aprel prezident seçkiləri ilə bağlı vətəndaşlarımızın suallarını cavablandıran baş konsul məlumat verib ki, İstanbuldakı diplomatik nümayəndəliyimizdə yaradılan məntəqə seçki komissiyası səsvermədə iştirak etmək istəyən vətəndaşlarımızın hüquqlarını təmin edəcək. Bu məntəqədə konsulluq qeydiyyatına olan vətəndaşlarımız səs verə biləcəklər.
Görüşdə Yusif Nurugil, Ramiz Mehmet, Mansur Ak, Seyfəddin Buntürk, Əzizə Alışanova və başqaları ölkəmiz üçün taleyüklü siyasi məsələ olan prezident seçkilərində iştirakın vətəndaşlıq borcu olduğunu bildiriblər.
Sabir Şahtaxtı
AZƏRTAC-ın xüsusi müxbiri
Bursa
Bölmənin digər xəbərləri
