Aida Qafarova: Mingəçevir Dövlət Dram Teatrı Bakıda çıxış edəcək
Bakı, 12 iyun, Emil Məlikov, AZƏRTAC
Mədəniyyət Nazirliyi və Azərbaycan Teatr Xadimləri İttifaqının təşkilatçılığı ilə keçirilən "Qonaq teatr" layihəsi davam edir. Layihə çərçivəsində yaxın günlərdə digər bölgə teatrlarının paytaxtımıza gələrək maraqlı tamaşalar nümayiş etdirməsi gözlənilir.
Bu barədə AZƏRTAC-a Azərbaycan Teatr Xadimləri İttifaqının məsul katibi Aida Qafarova məlumat verib.
“Qonaq teatr" layihəsi çərçivəsində iyunun 19-da Mingəçevir Dövlət Dram Teatrının yaradıcı kollektivi Əli Əmirlinin "Varlı qadın" adlı səhnə əsəri ilə Bakıya səfər edəcək. Tamaşanın quruluşçu rejissoru Xalq artisti Valeh Kərimov, quruluşçu rəssamı Əməkdar rəssam Rafael Həşimov, musiqi tərtibatçısı Elnur Rəsulovdur. Mingəçevir Dövlət Dram Teatrının Bakıya səfərinin ardınca, iyulun 3-də Sumqayıt Dövlət Dram Teatrının paytaxtımıza yaradıcı səfəri təşkil olunacaq”, - deyə A.Qafarova vurğulayıb.
Bölmənin digər xəbərləri
