ALMAN RƏSSAMININ AZƏRBAYCAN HƏMKARLARI İLƏ BİRGƏ SƏRGİSİ AÇILMIŞDIR

15.04.2004 [23:00]
Çap et
A⁺ A^-

Almaniyanın ölkəmizdəki səfirliyinin və Rəssamlar İttifaqının təşkilatçılıgı ilə Vəcihə Səmədova adına sərgi salonunda Almaniya rəssamı Ula Bundheuser Şvartsın Azərbaycan rəssamları ilə birgə sərgisi açılmışdır.

Rəssamlar İttifaqından AZƏRTAC-ın müxbirinə bildirmişlər ki, xanım Ula Şvarts 15 ildir ki, Azərbaycan rəssamları ilə dostluq edir. Qarabağ uğrunda gedən döyüşlərdə cəbhə bölgələrindəki əsgərlərimizə humanitar yardım kimi xeyli dava-dərman aparmışdır. Onun əsərlərini respublikamızın sənətsevərləri həmişə böyük maraqla qarşılamışlar.

Sərgidə qrafika, rəngkarlıq və heykəltəraşlıq janrlarında 30-dan artıq əsər nümayiş etdirilir.

Almaniyanın Bakıdakı səfiri Klaus Qrevlix, Rəssamlar İttifaqının sədri Fərhad Xəlilov və başqaları açılış mərasimində çıxış edərək, ölkələrimiz arasında mədəni əlaqələrin möhkəmləndirilməsində belə tədbirlərin əhəmiyyətini xüsusi vurğulamışlar.

Ula Şvarts tədbirin təşkilatçılarına və mərasim iştirakçılarına minnətdarlığını bildirmişdir.

Sərgi aprelin 20-dək davam edəcəkdir.