ALMANİYA, FRANSA VƏ İSPANİYA RƏHBƏRLƏRİNİN MADRİD ZİRVƏ GÖRÜŞÜ
AZƏRTAC-ın xüsusi müxbiri Berlindən xəbər verir ki, sentyabrın 13-də Madriddə İspaniyanın Baş naziri Xose Rodriqes Sapatero, Fransa Prezidenti Jak Şirak və Almaniya federal kansleri Gerhard Şröder üçtərəfli görüş keçirmişlər.
Almaniya mətbuatının verdiyi xəbərə görə, tərəflər Yaxın Şərqdə mövcud siyasi durum, xüsusilə, üçlüyün müharibədən sonrakı İraqın bərpasında birgə fəaliyyət proqramı, separatizmin və beynəlxalq terrorizmin bütün təzahürlərinə qarşı müştərək mübarizə və digər məsələlər barədə müzakirələr aparmışlar. Fransa və Almaniya liderləri İspaniya hökumətinin yeni başçısının öz ölkəsinin gələcəyini Avropa Birliyi tərkibində görmək əzmini yüksək dəyərləndirmişlər.
Bölmənin digər xəbərləri
