ALMANİYA FUTBOL YIĞMASININ KAPİTANI QADIN ÇANTASI ALDIĞINA GÖRƏ CƏRİMƏ EDİLMİŞDİR

26.05.2006 [12:11]
Çap et
A⁺ A^-

AZƏRTAC Frans Press Agentliyinə istinadla xəbər verir ki, Almaniya yığmasının kapitanı, “Çelsi”nin yarımmüdafiəçisi Mixael Ballak 60 min avro cərimə ödəyəcəkdir. Bu qərarı Bavariyanın Landshut şəhər inzibati məhkəməsi qəbul etmişdir. “Bavariya” komandasının keçmiş oyunçusu yanvar ayında Dubayda rəfiqəsi üçün qiyməti 2 min avro olan çanta almış, lakin Münxenə gələrkən onu gömrük sənədinə daxil etməmişdir.

Ballak gömrük sənədlərini düzgün tərtib etsəydi, çantaya görə 380 avro ödəyəcəkdi. Lakin indi futbolçu 12 günlük əmək haqqı məbləğində cərimə verəcəkdir. Almaniya yığmasının kapitanı “Bavariya”da hər gün 5 min avro qazanırdı.

Məhkəmənin nümayəndəsinin sözlərinə görə, futbolçu bu qərardan apelyasiya verə bilər. Xatırladaq ki, Ballak “Çelsi”də bir həftədə təxminən 190 min avro alacaqdır.

ALMANİYA FUTBOL YIĞMASININ KAPİTANI QADIN ÇANTASI ALDIĞINA GÖRƏ CƏRİMƏ EDİLMİŞDİR

MÜƏLLİFLƏ ƏLAQƏ

Bölmənin digər xəbərləri