ALMANİYA İRAQDA DEMOKRATİK DÖVLƏT QURUCULUĞU PROSESİNİ YAXINDAN DƏSTƏKLƏYƏCƏK

29.12.2005 [12:49]
Çap et
A⁺ A^-

AZƏRTAC-ın xüsusi müxbiri xəbər verir ki, Almaniyanın yeni koalisiya hökuməti ilk parlament seçkiləri münasibətilə İraq hökumətini təbrik edərək, bu ölkədə demokratik dövlət quruculuğunu siyasi və iqtisadi baxımdan dəstəkləyəcəyini və yeni parlamentin İraqı demokratikləşdirmə, sabitlik və hüquqi cəmiyyət quruculuğu yolu ilə aparacağına əmin olduğunu bildirmişdir.

Xüsusi vurğulanmışdır ki, Almaniya silahlı qüvvələri İraqda aparılan əməliyyatlara cəlb olunmamış və alman əsgərləri bundan sonra da həmin ölkəyə göndərilməyəcəkdir.

Sənəddə deyilir ki, Almaniya hökuməti uğurlu parlament seçkilərindən sonra İraqa tezliklə əsaslı humanitar dəstək göstərilməsini vacib sayır. Bu məqsədlə rəsmi Berlin İraqda demokratik dövlət quruculuğu prosesinin irəlilədilməsinin keşiyində dayanacaq sülhməramlı hərbi kadrların təlimi və hazırlanması işini, dağılmış pərakəndə iqtisadiyyatın dirçəldilməsini, təhsil və səhiyyə sistemlərinin yeniləşdirilməsini maddi və mənəvi yardımla dəstəkləmək əzmindədir.

ALMANİYA İRAQDA DEMOKRATİK DÖVLƏT QURUCULUĞU PROSESİNİ YAXINDAN DƏSTƏKLƏYƏCƏK

MÜƏLLİFLƏ ƏLAQƏ

Bölmənin digər xəbərləri