Almaniya şəhərləri artan xərclər və zəif iqtisadiyyat səbəbindən çətinliklərlə üzləşib ARAŞDIRMA
Bakı, 17 fevral, AZƏRTAC
Almaniya şəhərləri ciddi maliyyə çətinlikləri ilə üzləşib. Əksər şəhərlər büdcənin azalması və sosial xərclərin artması fonunda balanslaşdırılmış büdcə təqdim edə bilmir.
AZƏRTAC xəbər verir ki, bunu fevralın 23-də Bundestaqa keçiriləcək növbədənkənar seçkilər ərəfəsində, bazar ertəsi aparılmış sorğunun nəticələri göstərir. Zəif iqtisadiyyat seçiciləri narahat edən əsas məsələdir.
Sərt xarici rəqabət, enerji daşıyıcılarının yüksək qiyməti, faiz dərəcələri və iqtisadi qeyri-müəyyənlik 2024-cü ildə ikinci il ardıcıl zəifləyən və cari ildə də zəifləməsi gözlənilən Almaniyanın iqtisadiyyatına mənfi təsir göstərib.
Almaniyanın Şəhər Assosiasiyasının araşdırmalarına görə, ölkənin iri şəhərlərinin 37 faizi büdcələrini balanslaşdıra bilmir, 47 faizi isə ehtiyatlara güvənir.
Assosiasiyanın məlumatına görə, ötən il bələdiyyələrin sosial xərcləri 12 faiz artıb, son on ildə uşaqların və gənclərin sosial təminat xərcləri isə 12 faiz artaraq 32.8 milyard avrodan 67.6 milyard avroya qalxıb.
Qurumdan bildirilib ki, qaçqın axını uşaqlar, gənclər, işsizlik və sosial təminat üzrə xərcləri daha da artırıb.
Bölmənin digər xəbərləri
