Almaniya xəbər agentliyi Türkiyə-Ermənistan münasibətlərindən yazıb
Berlin, 16 dekabr, AZƏRTAC
Almaniyanın “DPA” xəbər agentliyi tərəfindən “Türkiyə və Ermənistan yenidən yaxınlaşmaq istəyir” başlıqlı məqalə dərc olunub.
AZƏRTAC xəbər verir ki, məqalədə illər boyu davam edən diplomatik durğunluq dövründən sonra qonşu ölkələr olan Türkiyə və Ermənistanın yenidən yaxınlaşmaq istədikləri bildirilir. Qeyd olunur ki, Ermənistanın Xarici İşlər Nazirliyi verdiyi açıqlamada Yerevanın münasibətlərin normallaşmasına hazır olduğunu bəyan edib. Əlavə edilir ki, Türkiyə də bir müddət əvvəl hər iki ölkənin gələcək addımları müzakirə etmək üçün xüsusi nümayəndələr təyin etmək istədiyini açıqlayıb. Məqalədə bu iki ölkə arasında sərhədlərin onilliklər boyu qapalı olduğu, habelə diplomatik əlaqələrin mövcud olmadığı vurğulanır. Məqalədə, həmçinin Türkiyənin Ermənistanın “rəqibi” Azərbaycanla sıx əlaqələrə malik olduğu bildirilir.
Eyni məzmunlu məqalələr “spiegel-online”, “t-online.de” internet portallarında, eləcə də “Pforzheimer Kurier”, “Badısche Neueste Nachrıchten”, “Allgemeine Zeitung”, “Darmstädter Echo”, “Dill-Zeitung”, “Lampertheimer Zeitung”, “Oberhessische Zeitung”, “Wetzlarer Neue Zeitung”, “Herborner Tageblatt”, “Hinterländer Anzeiger”, “Weilburger Tageblatt”, “Wiesbadener Kurier”, “Idsteiner Zeitung”, “Wormser Zeitung”, “Pforzheimer Kurier”, “Flensburger Tageblatt”, “Husumer Nachrichten”, “Norddeutsche Rundschau”, “Barmstedter Zeitung”, “Ludwigshafener Rundschau” və s. kimi yerli qəzetlərdə də dərc olunub.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
