Almaniyada koronavirusla bağlı həyəcan yenidən artır
Berlin, 12 iyul, AZƏRTAC
Almaniyada koronavirusun yayılması ilə bağlı müəyyən müsbət dinamikadan sonrakı vəziyyət vətəndaşlarda və hökumətdə yenidən təşviş yaradıb.
AZƏRTAC xəbər verir ki, bu ölkədə xəstəliyə yoluxmaların statistikası 6 gündür ardıcıl olaraq artır. Bu gün səhərə olan vəziyyətə görə, 7 günlük yoluxma göstəricisi durmadan yüksəlir. Son sutka ərzində Almaniya klinikalarında koronavirusa 324 yeni yoluxma faktı qeydə alınıb. Halbuki bir həftə əvvəl bu rəqəm 212-yə bərabər idi. Ölkədə daha 2 ölüm faktı təsdiqlənib. Bir həftə bundan əvvəl COVID-19 virusundan cəmi 1 ölüm faktı qeydə alınmışdı.
Rəsmi məlumatlara görə, pandemiya başlanandan bəri Almaniyada “Sars-CoV-2” virusuna 3.736.489 yoluxma faktı təsdiqlənib. 3.635.100 nəfər bu xəstəlikdən sağalıb, 91.233 nəfər isə xəstəlik nəticəsində dünyasını dəyişib.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
