ALMANLARA DÜNYA ÇEMPİONATINDA QƏLƏBƏYƏ GÖRƏ 300 000 AVRO VƏD EDİRLƏR
Komandanın baş məşqçisi Yurgen Klinsmann bu qədər qonorarı əsaslı hesab edir. O demişdir ki, ölkə yığması Futbol İttifaqı üçün əsas gəlir mənbəyidir, ona görə də oyunçular öz payını almalıdırlar.
Almaniya KİV-lərinin məlumatına görə, Klinsmannın özü komandasının çempionatda qələbəsi təqdirində 1 milyon avro alacaqdır. Dörddəbir finala vəsiqəyə görə oyunçulardan hər birinə 50 min, yarımfinala görə 100 min, finalda çıxış etmək hüququna görə 150 min avro veriləcəkdir. Əgər komanda mübarizəni səkkizdəbir finalda dayandırsa və ya ümumiyyətlə, qrupdan çıxmasa, futbolçular heç bir mükafat almayacaqlar.
Xatırladaq ki, Almaniya yığması ilk görüşünü iyunun 9-da Kosta-Rika futbolçularına qarşı keçirəcəkdir. A qrupunda onun digər rəqibləri Polşa və Ekvador komandalarıdır.
Bölmənin digər xəbərləri
