ALP DAĞLARININ ALTI İLƏ DƏMİR YOLU ÇƏKİLƏCƏK
İTAR-TASS-ın yaydığı xəbərə görə, Fransa bu onilliyin ən iddialı tikinti layihəsini - Alp dağlarının altı ilə yeni dəmir yolunun inşasını həyata keçirməyə başlamışdır. İtaliya ilə birlikdə çəkiləcək bu dəmir yolu Lion və Turin şəhərlərini birləşdirəcəkdir. Yerli mətbuat ümumi uzunluğu 64 kilometr olan iki dağ tunelindən keçəcək bu yolu “əsrin tikintisi” adlandırmışdır.
Layihənin ən çətin hissəsi Alp sıra dağlarının altından keçəcək 52,7 kilometr uzunluğunda tuneldir. Bu bölgədə dağın hündürlüyü 3 min metrə çatır. Yeni dəmir yolu çəkildikdən sonra qatarlar Liondan Turinədək yolu 1,5 saata qət edə biləcəkdir.
2012-ci ildə istifadəyə veriləcək magistral mərkəzi Fransadan şimali İtaliyaya ən kəsə yol olacaqdır.
Bölmənin digər xəbərləri
