AMERİKALI ŞAGİRD VƏ MÜƏLLİMLƏR “ARŞIN MAL ALAN” TAMAŞASINA İNGİLİS DİLİNDƏ BAXMIŞLAR

17.04.2004 [13:59]
Çap et
A⁺ A^-

Bakının Nizami rayonundakı 220 nömrəli orta ümumtəhsil məktəbində dahi Azərbaycan bəstəkarı Üzeyir Hacıbəyovun “Arşın mal alan” tamaşası şagirdlərin ifasında ingilis dilində göstərilmişdir.

AZƏRTAC-ın müxbiri xəbər verir ki, Amerika Birləşmiş Ştatlarının Dövlət Departamenti tərəfindən maliyyələşdirilən “Proyekt Harmoniya” təşkilatının ABŞ-Azərbaycan tələbə-şagird mübadiləsi proqramı çərçivəsində ölkəmizə qonaq gəlmiş amerikalı şagird və müəllimlər də bu tamaşanı böyük maraqla qarşılamışlar.

Tamaşadan əvvəl təhsil naziri Misir Mərdanov çıxış edərək xarici ölkə məktəbləri ilə əməkdaşlığın əhəmiyyətindən danışmışdır.

Amerikalı qonaqlar isə Azərbaycanda keçirdikləri günləri heç zaman unutmayacaqlarını söyləmişlər.