Anadolu Agentliyinin Azərbaycan mediasının nümayəndələri üçün təşkil etdiyi təlim kursu başa çatmışdır

27.06.2014 [22:37]
Çap et
A⁺ A^-

İstanbul, 27 iyun (AZƏRTAC). Xəbər verdiyimiz kimi, Türkiyənin Anadolu Agentliyinin Xəbər Akademiyası Azərbaycanın bir sıra KİV əməkdaşları üçün təlim kursu təşkil etmişdir. AZƏRTAC-ın əməkdaşının da iştirakı etdiyi təlim kursu İyunun 27-də başa çatmışdır.

Azərbaycan mediasının nümayəndələri qarşısında çıxış edən Türkiyənin Anadolu Agentliyinin baş direktoru Kamal Öztürk rəhbərlik etdiyi qurumla AZƏRTAC arasında əməkdaşlıq əlaqələrinin əhəmiyyətindən danışmışdır. Kursun nəticələrindən razı qaldıqlarını bildirən Azərbaycanın KİV nümayəndələri iki qardaş ölkə arasında media əlaqələrinin daha da genişləndirilməsinin vacibliyini vurğulamışlar.

Təlim kursunda iştirak edən həmkarlarımıza sertifikatlar verilmişdir.

Sabir Şahtaxtı,

AZƏRTAC-ın xüsusi müxbiri

İstanbul