ANKARADAN BAŞLAYIB BAKIDA TAMAMLANACAQ XII SƏYYAR AVROPA FİLMLƏRİ FESTİVALINA START VERİLMİŞDİR

03.11.2006 [16:02]
Çap et
A⁺ A^-

AZƏRTAC-ın xüsusi müxbiri xəbər verir ki, noyabrın 3-də Ankarada XII Səyyar Avropa Filmləri Festivalına start verilmişdir.

Türkiyə Mədəniyyət və Turizm Nazirliyi, Ankara Kino Dərnəyi, “Aras karqo” və “Statoyl” şirkətlərinin sponsorluğu ilə noyabrın 29-dək davam edəcək festival çərçivəsində Türkiyə kinosevərləri noyabrın 16-dək Türkiyə və Avropa ölkələri kinematoqrafının ən gözəl nümunələrini seyr edəcəklər. Sonra, festival noyabrın 17-dən 21-dək Tbilisidə, 22-dən 26-dək isə Bakıda davam edəcəkdir.

Festivalın “Avropa, Avropa” bölməsində 2006-cı ildə ən çox uğur qazanmış bədii və sənədli filmlər nümayiş etdiriləcəkdir. Qalib filmə “Qızıl qaz” mükafatı təqdim olunacaqdır.

Festivalda məşhur italiyalı rejissor Luçino Viskontinin 3 filmi, Türkiyə kinematoqrafının ən son nailiyyətləri nümayiş etdiriləcəkdir.