ANTİİNHİSAR DÖVLƏT XİDMƏTİ XƏBƏRDARLIQ EDİR
İqtisadi İnkişaf Nazirliyi yanında Antiinhisar Dövlət Xidmətindən AZƏRTAC-a bildirmişlər ki, bütün müsəlman ölkələrində olduğu kimi, ölkəmizdə də Ramazan bayramı qeyd olunacaqdır. Ötən illərin təcrübəsi göstərir ki, bəzi işbazlar və möhtəkirlər mənfəət əldə etmək məqsədi ilə bayram günlərində öz aralarında qeyri-qanuni razılaşma əsasında başlıca ərzaq məhsullarının qiymətlərini artırmağa cəhd edirlər. Xidmət əhalinin nəzərinə çatdırır ki, bu yolla qiymətlərin süni şəkildə artırılması qanunvericiliyin tələblərinə ziddir.
Qurum Ramazan bayramı ərəfəsində və bayram günlərində süni qiymət artımının qarşısını almaq məqsədi ilə monitorinqlərə başlamışdır. Əhalidən bayram ərəfəsində və bayram zamanı rastlaşdıqları süni qiymət artımı halları barədə vaxtında və ünvanlı məlumatların verilməsi xahiş olunur.
Antiinhisar Dövlət Xidməti xəbərdarlıq edir ki, süni qiymət artımına şərait yaratmaqla qanunu pozan şəxslər barəsində ciddi tədbirlər görüləcəkdir.
Bölmənin digər xəbərləri
